الأحد، 15 مارس 2009

برد فى عز الصيف

حاسه ببرد فى عز الصيف
زى الورد فى فصل خريف
نفسى فى حكمة قلب نضيف
يسرقنى بسرعه زى الطيف
نفسى اتحرر من احزانى
نفسى اتحـــول واحد تانى
نفسى انسى سنين حرمانى
وارجع من اول وجديد
عيون حجر وقلب حديد
علشان انفع اعيش مع ناس
نسيوا الحب مفيش احساس
القلب الطيب راح ينـــداس
ويبقى رصيدهم فى الحسنات
افلاس .. افلاس .. افلاس

هناك 14 تعليقًا:

Unknown يقول...

ازيك يا اسماء
كلماتك اكثر من جميلة تسلم ايديكى
بجد كلمات جميلة جداً

Unknown يقول...

فى منتهى الجمال يا اسماء و مش حقول اكتر من كده

Tamer Nabil Moussa يقول...

كلمات جميلة

ورائعة

تسلمى عليها


تحياتى

مهندس / على درويش يقول...

السلام عليكم


كلامات جميله جدا جدا جدا

سلمت يمينك


تقبلي مروري

تحياتي

Unknown يقول...

ديو: نورت مدونتى
وانا مبسوطه جدا بتشجيعك
يبنى مش عارفه اودى جمايلك فين
نردهالك فى طروق

Unknown يقول...

عماد انت الى فى منتهى الجمال وانا اجى ايه فى بحر كلامك
انت مبدع يبنى

Unknown يقول...

تامر نبيل
اشكرك على تعليقك المشجع ويا رب ميكونش اخر تعليق
وانا سعيده بمرورك عالمدونه



مهندس على درويش منور مدونتى وانا حطيت فعلا المدونات الى زارتنى فى الفافوريت عشان اقراهم واتابعهم
ومنورين مدونتى ويا رب فعلا اكون قدر التعليقات دى

كرانيش يقول...

ازيك يا سمسمه

الشعر جميل والمعانى حلوه وكل حاجه
وانا واثقه انك بتحاولى تظبطى الوزن عندك

مع القرايه وسماع الشعر زى ما قلتلك هيتظبط اكتر

شاب كــ طخين ـــــا يقول...

الله عليكى
كلمات جميله اوى تسلم ايدك

hasona يقول...

السلام عليكم

كلمة بحروف بسيطة
اخترقت قلوبنا
من قلب ملئ بالحب
يبحث عن من يحتوي مافي قلبه
عن وجدان وكيان يشتركا فيه
وينبض القلب


ليس الحرمان ولا الاحزان التي تغير الي قلب حديد ،، حتي لو اتغيرت هيكون تغير مش مفيد

لأن من تربي علي الحينة لا يعرف القسوة
ومن سكنت قلبه الرحمة لا يعرف الفجوة

في أي مكان نكون بنعمل بما في القلب مكنون

ونراعي الناس بحب وأسمي احساس
ليزيد رصيدنا ويزيد الي القمة

محمد فكري يقول...

جميلة كلماتك يا اسماء...وصادقة أيضاً
..

تقبلي مروري من هنا

..
تحياتي

Unknown يقول...

كرانيش :
منوره مدونتى وصفحاتى دايما بتعليقاتك الجميله
وزى ما قلتلك انا بكتب اللى حاساه اما موضوع الوزن ده بايظ فى القديم لكن الجديد متظبط بعض الشئ والحمد لله ان دى عجبتك دمتى بود يا حبيبتى

Unknown يقول...

امبارح كان عمرى عشرين :
النهارده عمرك عشرين ويوم ههههههه
منور المدونه اكيد كلماتى حلوة لأنكم انتوا اللى بتقروها
يا رب ما تكون اخر زياره

لاسع افندى يقول...

كلمات جميله
لكن لاانصحك باقتناء عيون حجر وقلب حديد


تحياتى