الاثنين، 7 مارس 2011

توقف عمرى

فترة من الزمن ॥
توقف عندها عمرى
توقف عندها أملى ॥
واحتار العقل فى أمرى ॥
ونداء لحب العمر هل باقى مدى الدهر ؟
أم سأعود وحيدة ॥
أناشد حينها صبرى
ليرجع لى صدى صوتى ...
لا تسألين عن شيئ ॥
يثير الخوف والذعر
أأبقى عمرى بلا حبٍ ॥।؟
أخاف الذل والقهر ॥
ورجل الحب فى كونى
قــــــــــــاس بــبــرودة الثــــلج
يثيرالقلق فى أفقى ॥ويرهق كل أعصابى
ويعلم أنه عشقى ॥ وهو كل أحبابى
وأسأل حينها قلبى : ترى يا قلب يعشقنى ؟؟
وإن كان ليعشقنى । لماذا فى دموعى يغرقنى ؟
لماذا بالخوف يحرقنى ؟
وإن كان لا يعرف الحب ॥ أينوى ليتركنى ؟؟؟؟
ويسرق حينها أملى ॥ ويقتل حينها قلبى



الجمعة، 4 مارس 2011

أنا هتمرد .. خارج اطار الصورة

رسمتلى يا حبيبى صورة صغيرة .. ولفيتنى بإطارها

وبرغم ان الفرشه دلوقت فى ايديا .. مقدرتش اكبرها

واوسع .. الاطار

وارسم طياره

واركب و اطيرها

بره حدود حبك ..

وارسم سحابه تنزل مطرها

عالصورة تمحى كل ملامحها

وارسم رياح صعبه وعتيه تردمها بغبارها

وعشان متظنش انى ممكن احن تانى

هخرج منها وبإيديا ادمرها

.................................................................

مش تستغرب

انا أصلى من هنا ورايح هتمرد

هخرج بره الاطار الى رسمته

وانسى مصيرى اللى حسمته

ولو كان التمن .. قلبى ..

وايه يعنى ؟؟

دنا تعبه فى بعدك أهون عندى

من حبس كيانه فى اطار عالورق

جوه رسمه عالورق

اذا كان زمان صوتى اتخنق

مقدرتش اصرخ بعلو صوتى واسمع الكون

ان قلبى بيتحرق ..

سمعتك انت

قلت فى سرك .. وايه يعنى ما يندعق

.................................................................

وأنا بينى وبينك مش هتحمل

ظلم وقسوة وجرح كرامة ..

وانا بينى وبينك مقدرش أكمل

وانت متعرفش معنى ملامه ..

ازاى ارسملك جٍنان وقصور ..

وانت بتحبسنى جوه السور ؟؟

ازاى أوهبلك قلبى هديه ..

وانت بسهوله تجرح فيا ؟

أنا هقسى عليك ..

وأنا بينى وبينك لو بإيديا

أنساك هنساك ..

بس انا .. <صابره شوية> .. خايفه

يبان الخوف فى ملامحى

وانت بعيد .. كنت حبيبى

وكنت أمانى وكل ما ليا ..

...........................................

يوم ما هقابلك .. هرسم بسمه مش تكشفها

هخلى عينيا تيجى فى عينيك .. مهخافش تشوفها

هتشوف قدامك انسانه تانيه مش تعرفها

انت اللى بنيتها ..

بالقسوة حبيبى .. كده ربيتها ..

واذا كانت جت قدامك تسأل

قلبها هو اللى ... باعتها

بقا بالذمة فى يوم حبيتها ؟؟